CXC.

1344, November 23. Neisse.

Bischof Preczlaw von Breslau erlaubt dem Kloster Güter innerhalb des Bisthums zu erwerben und gewährt hierzu einige Erleichterungen.

In nomine domini amen. Noverint universi presentiam (!) notitiam habituri, quod nos Preczlaus dei gratia episcopus Wratislaviensis temporalibus incomodis pressi, ad eterne felicitatis commercia anhelare intendimus; hinc advertentes, quod progenitores nostri bone memorie monasterium Kamencz fundarunt et predecessores nostri Wrat. episcopi collabtione (!) facta denuo erexerunt et singuli fere certis beneficiis et munificentia dotarunt, cuius rei evidentiam non quidem ex debito, sed in gratiarum actionem et humilis sub­iectionis exhibitionem, ultra hoc, quod fratres eiusdem monasterii in devotionibus suis pro nobis deo offerunt, annuatim unum par bottorum ex eodem monasterio nobis offerre consuevit. Quare nos ob singularem etiam favorem, quem in locum ipsum gerimus, predecessorum nostrorum vestigia insequi volentes, preter alia bona, que fecimus et ad huc facturi sumus, de concessu et indultu capituli nostri Wrat. monasterio prefacto facere duximus gratiam specialem perpetue duraturam; primo, quia monasterium idem paucas habet possessiones et exilia bona, annuimus et favemus, ut in episcopatu nostro talia conparare et emere queant et nos volumus iura nostra feodalia sive porrectionalia (!) indulgere et moderare. Insuper, cum ex consensu totius cleri taxa nobis contribuenda imponitur, monasterium non debet gravari neque taxa ei imposita stricte postulare, sed secundum possibilitatem contribuant. In benedictionibus etiam abbatum eiusdem monasterii familia nostra nichil iuris habeat postulare, sed dominus abbas iuxta discretionem sui honoris illis propinam faciat. Ut autem hec nostra concessio in anime nostre ac futurorum episcoporum Wrat. remedium facta perpetue firmi­tatis robor obtineat, litteras has sigilli nostri maioris appensione fecimus roborari. Actum et datum in Nysa in curia episcopali nono Kalendas Decembris, anno domini M°. CCCXI. quarto; presentibus honorabilibus viris dominis: Johanne archidiacono Glogoviensi, Ottone de Donyn, Petro scolastico eeclesio sancte Crucis Wrat., Conrado plebano in Thurow, Nicolao de Lembere procuratoribus nostris et aliis pluribus fidedignis.

Plumpe Fälschung von einer Hand des 16. Jahrhunderts, Perg. Angehängt ist ein echtes S. des Bischofs an grünrothseidner Schnur. Eine Originalurkunde vom gleichen Tage im k. k. geh. Hofarchive zu Wien (abgedruckt im Cod. Mor. VII. 411) vom Bischof Preczlaw ist in Prag ausgestellt. Die Einleitung und die Zeugennamen sind der vorhergehenden echten Urkunde entnommen.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.